ПРИРОДЕН ЛИВАДСКИ МЕД

Употребата на медот како храна и како профилактичко, лековито и козметичко средство од далечното минато до денес е поврзана со неговиот вкус, биолошки и фармаколошки својства и со неговиот хемиски состав. Хранливата вредност на медот поради големата количина на јагленохидрати медот е високоенергетки производ – енергетска вредност на 1кг мед  се споредува со онаа на 3кг јунешко месо, 50 јајца, 5,5 литри млеко, 3кг речна риба, 1кг шунка, 5кг портокали, 3кг банани и т.н. Јагленохидратите во медот се состојат главно од гликоза и фруктоза, кои како моносахариди се примаат во организмот побрзо и полесно во споредба од другите шекери.

Повеќе автори го истакнуваат големото значење за човечкиот организам на присутните во медот минерални материи, витамини, ензими, аминокиселини, органски киселини и др. Овие материи се апсолутно неопходни за организмот, меѓутоа нивното количество во 100 грама мед (препорачана дневна доза) е неколку десетици до неколку стотици пати помало од секојдневно потребното количество од овие материи. Според тоа како хранителен производ медот може да се третира како извор пред се на лесно ослободувачкаенергија и лесно приемливи јагленохидрати и како дополнителен, но не и основен извор на другите споменати материи.

Медот е производ кој може да се употребува секојдневно од сите возрасни структури на луѓе. Медот се препорачува како храна за деца, спортисти, возрасни лица кои се занимаваат со тешка физичка или умствена работа. Медот се употребува како храна во чиста состојба или како засладувачко средство наместо шекер (во кафе, млеко, чај, лимонади).

Денес со сигурност се знае дека: медот е густа, слатка, сирупеста или кристализирана материја, со бледо-жолта до темнокафена боја, специфичен мирис и вкус, произведена од медоносните пчели. Пчелите го произведуваат така што собираат сокови од цветовите или други слатки сокови кои ги наоѓаат во живите делови на растенијата, ги збогатуваат со материи од своето тело, во телото ги преработувааат, ги складираат во восочните сотови и ги оставаат да зреат.

За подетални информации и нарачка на моб 078 304 665. Иван